Ulih: Thun DiwanMUKAH: Kaban Parlimen Betong, Dato Sri Douglas Uggah ti pemadu dibasa mensia mayuh ukai semina ari bansa Iban ba menua tu, patut nyeliahka diri nawing Tan Sri Jabu agi laban enggaika iya dipalit latak ti tau ngemaruhka rita diri udah tu ila.
Menteri Pengeraja Asal enggau Rampa Menua tu, patut berani meri penemu sereta ngelalau Tan Sri Jabu ngambika ngetu lalu enda ngetan penuduk Layar ba pengawa bepilih ti deka datai kena meri awak ngagai orang rebak baru.
Kebuah pia laban Tan Sri Jabu udah chukup pengelama mangku pengawa politik sereta penuduk Sapit Kepala Menteri tang lalu nadai mai penguntung ukai semina ngagai bansa Iban tang ngagai mensia mayuh ba menua tu.
Tambah mega Tan Sri Jabu semina ngembuan peneleba bejalaika pengawa ti mai pengerugi sereta pengerusak ngagai raban bansa Iban.
Enti nyema Dato Sri Uggah majak nawing Tan Sri Jabu bejalaika pengawa, dia orang ti udah nyimpan pengarap ngagai iya tau salah penemu lalu madahka iya sesingkang enggau Tan Sri Jabu ngerusakka bansa Iban.
Dato Sri Uggah diatu dipeda mensia mayuh ngembuan peneleba ngereja pengawa ti tau nguntung ukai semina bansa Iban tang nagai rayat ba menua tu.
Nya alai enti Dato Sri Uggah deka nyereminka pengarap rayat nganti Tan Sri Jabu iya patut ngeliah diri nawing Tan Sri Jabu ngambika iya dipeda bisi penemu kediri ngemansangka menua.
Lalu enti nyema Tan Sri Jabu agi ngetanka penuduk Layar ba pengawa bepilih besai ti deka datai, Dato Sri Uggah patut berani mansutka penemu mantah pemutusnya tauka nyeliah ngaul diri ba maya kimpin.
Nitihka penemu mayuh raban bansa Iban sereta bansa bukai ba menua tu diatu benung meri sukung ti tegap ngagai Dato Sri Uggah.
Nya alai Dato Sri Uggah enda patut masau pengarap mensia mayuh nya, tang majak bejalaikan pengawa ngangkat pendiau rayat lalu ukai bejalaika pengawa ngangkat Tan Sri Jabu.
Its just out of respect for the elder.
ReplyDeleteTime will come witout us knowing.