 |
MUKAH: Udah bekau UMNO mujur nudukka diri ba Sabah berapa taun ti udah, dia parti tu mandangka diri berati deka ngerembaika kuasa ia ngagai menua Sarawak.
Mayuh pekara ti nyata amat udah dikerejaka parti tu nengah Perintah Besai kena mandangka penyinu diri kena narit ati rayat Sarawak.
Kelimpah ari ti nabur jaku ngungkup belanja bebilion-bilion ringgit kena ngangkatka pemansang menua tu, UMNO mega ngubah atur tanah ti belaban enggau Ordinan Tanah Sarawak, ti betuju kena narit ati rayat.
Atur tanah tu balat amat ngerinduka ati rayat lalu muji Menteri Besai ti mega Presiden UMNO, Datuk Seri Mohd Najib Tun Abdul Razak.
Kepala Menteri Pehin Sri Haji Abdul Taib Mahmud enda enchekuk maya pengawa bepilih mit Sibu, datai ka dipejal Menteri Besai ti mega Presiden UMNO ngubah sereta nurunka rega premium tanah.
Taja pan tu bisi belaban enggau penemu Perintah Sarawak, Pehin Sri Taib enda nyalah baka 'kerebau ti dituchuk idung' lalu mantaika rega baru premium tanah maya nya.
Enda kala Taib tak enda enchekuk, tang lebuh maya tu suba iya tak semina nitihka penemu Chermin Barisan Nasional (BN) nya.
Nurunka rega primium tanah enggau atur baru tanah chukup amat dikena ngelembutka ati rayat nagambika muji perintah besai ti dipegai UMNO.
Nya nambahka agi pengaga ati rayat ba menua tu ti udah bulih ungkup belanja RM5.2 bilion ari Perintah Besai dalam timpuh Langgur Pemansang Malayisa Kesepuluh (RMK10) kena ngemansangka perengka diguna mensia mayuh ba menua pesisir.
Ungkup belanja tu jauh besai ti dibebanding enggau menua bukai ba Malaysia
Enti nyema perintah menua enda mujur belajaikka pengawa pemansang nitihka ungkup belanja ti udah disebut perintah besai tu, dia Parti Pesaka Bumiputera Bersatu (PBB) tau dipadah lembut, enda teraturka pengawa.
Pia mega enti perintah menua enda ulih ngamatka rega baru premium tanah tu ila dia perintah menua tau dipejaika perintah besai lalu dipadah enda ngemeranka rayat.
Tanggung pengawa ti pemadu berat ia nya bejalaika atur baru ba tanah pesaka (NCR).
PBB udah ulih meda tuju perintah besai tu, tang sida enda ulih nyediaka diri ngelaban pemutus ti tau ngerusak sida nya.
Lebih 46 taun udah Sarawak Merdeka dalam Malaysia dia perintah ba menua tu enda bejalaika atur tanah nitihka disebut Menteri Besai nya.
Dalam timpuh nya mega perintah Sarawak enda ulih ngurangka premium tanah nitihka ti kedeka perintah besai nya, nya kebuah printah menua tu nikika rega premium tanah suba.
Sapit Kepala Menteri Datuk Patinggi Tan Sri Alfred Jabu kala mansutka jaku ba surat kabar ti madahka perintah enda ulih ngeletakka timpuh bejalaika atur baru NCR nya.
Enti nyema Sarawak enda mujur bejalaika tanggung pengawa nabur pemansang kena duit RM5.2 bilion lalu ditambah enggau atur tanah baru dudi ila, dia meh endur UMNO nyelepak diri masuk ngagai Sarawak.
Parti Pesaka Bumiputera Bersatu (PBB) tau dipadah lembut, enda ulih enda teraturka pengawa lalu dikena pejal meri awak ngagai UMNO ngadu menua tu.
Penemu UMNO tu ila tentu narit ati rayat ketegal premium, atur baru NCR enggau ungkup belanja ti besai kena ngemansang rayat menua tu.
PBB udah ulih meda tuju perintah besai tu, tang sida enda ulih nyediaka diri ngelaban pemutus ti tau ngerusak sida nya.
Lebih 46 taun udah Sarawak Merdeka dalam Malaysia dia perintah ba menua tu enda bejalaika atur tanah nitihka disebut Menteri Besai nya.
Dalam timpuh nya mega perintah Sarawak enda ulih ngurangka premium tanah nitihka ti kedeka perintah besai nya, nya kebuah printah menua tu nikika rega premium tanah suba.
Sapit Kepala Menteri Datuk Patinggi Tan Sri Alfred Jabu kala mansutka jaku ba surat kabar ti madahka perintah enda ulih ngeletakka timpuh bejalaika atur baru NCR nya.
Tun Mahathir Muhamad bekau Menteri Besai kala nyimpan penemu belalai deka mai UMNO masuk ke Sabah enggau Sarawak suba.
Mahathir tau dikumbai mujur laban iya ulih ngerembaika UMNO ka Sabah.
Siku agi bekau Menteri Besai, Tun Ahmad Abdullah Badawi deka nguju nyambung pengawa Mahathir deka mai UMNO ke Sarawak, tang iya enda sempat.
Najib ti nyambung pengawa nya sereta mansutka jaku peransang 1Malaysia.
Enda ibuh dikenang konsep ti bukai ba jaku peransang nya, siti ari ia ianya Nyerakupka Pupu Raba Bansa enggau Menua dibaruh siti empayung.
Enti nyema Sarawak enda mujur bejalaika tanggung pengawa nabur pemansang kena duit RM5.2 bilion lalu ditambah enggau atur tanah baru dudi ila, dia meh endur UMNO nyelepak diri masuk ngagai Sarawak.
Rayat menua tu bisi gaga lalu bisi mega madahka menua tu deka dituntung pemedis enti dipegai UMNO.
Sida mandingka pekara tu enggau Sabah ti udah dipegai UMNO ba pengelama ti udah.
No comments:
Post a Comment