PRS ngaluska NCR, puji ngagai Masing

Ulih: Thun Diwan

MUKAH: Pemendar Parti Rakyat Sarawak (PRS) bejalaika pengawa mantu orang menua pesisir mutarka penanggul ti nuntung orang bempuka tanah adat (NCR), tau bendar dipuji.

Kebuah pia, Komiti Pemansang NCR PRS ti ditumbuhka parti tu diatu udah tetemuka pekara ti nanggul lalu ngujungka raban bansa Dayak kelebih agi Iban betalatka tanah enggau perintah, ngelama tu.

Nya alai ku Masing, diatu parti tu deka mai pekara nya ngagai Perintah Menua enggau Perintah Besai ngambika tau diperunding kena mutar penanggul ti baka nya ngambika bala Iban enda lenyau tanah adat udah tu ila.

Ku Masing, sekeda perkara ti balat nanggul nya ia nya ketegal betelisih ba adat asal enggau undang-undang tanah ti dipegai perintah menua enggau Perlembagaan Persekutuan.

Iya madahka tiga bengkah pekara nya balat betelisih enggau pangan diri ti ngujungka tusah deka ngaduka tanah adat endur bejalaika pengawa pemansang kelebih agi bekebun bedandang besai.

Taja pia Masing nadai madahka maya parti tu deka berandau enggau perintah menua tauka perintah besai pasal pekara tu.

 

Iban patut begempung ngetan NCR

Ulih: Thun Diwan

MUKAH: Mayuh penanggul deka nuntung raban bansa Iban lebuh pengawa nyukat tanah adat (NCR) ti deka dipejalaika Opis Tanah enggau Penyukat udah tu ila.

Ba atur baru tu perintah udah netapka garis kelingi deka digaga kena nanda antara NCR enggau tanah perintah ba siti siti endur.

Dipelabaka atur tu enda mayuh mai penguntung ngagai raban bansa Iban, tang ia dipeda tau mai mayuh agi penyarut lebuh pengawa tu dipejalaika ila.

Rundi menyatika bansa diri

Ulih: Thun Diwan

MUKAH: Dr Stephen Rundi Utom ti mega Penulung Menteri Perengka Diguna Mensia Mayuh iya nya siku tuai rebak baru ti dipelebaka tau ngeringka bansa Iban suba, diatu udah ngayanka diri limpang ari sangka mensia mayuh nya.

Rundi ti mega Kaban Kunsil Nengeri Kemena ukai semina empelitaka orang Iban, tang iya mega nyaup orang bukai munaska reta tengkira enggau pesaka bansa diri, kena ngulihka penguntung diri.

Mayuh kes tanah pesaka (NCR) ba Kemena dikumbai tanah perintah lalu diambi kompeni endur nanam kelapa sawit bedandang besai, kena nguntung sida empu.

UMNO nabur umpan di Sarawak

by Thun Diwan

MUKAH: Udah bekau UMNO mujur nudukka diri ba Sabah berapa taun ti udah, dia parti tu mandangka diri berati deka ngerembaika kuasa ia ngagai menua Sarawak.

Mayuh pekara ti nyata amat udah dikerejaka parti tu nengah Perintah Besai kena mandangka penyinu diri kena narit ati rayat Sarawak.