MUKAH: Pemendar Parti Rakyat Sarawak (PRS) bejalaika pengawa mantu orang menua pesisir mutarka penanggul ti nuntung orang bempuka tanah adat (NCR), tau bendar dipuji.
Kebuah pia, Komiti Pemansang NCR PRS ti ditumbuhka parti tu diatu udah tetemuka pekara ti nanggul lalu ngujungka raban bansa Dayak kelebih agi Iban betalatka tanah enggau perintah, ngelama tu.
Nya alai ku Masing, diatu parti tu deka mai pekara nya ngagai Perintah Menua enggau Perintah Besai ngambika tau diperunding kena mutar penanggul ti baka nya ngambika bala Iban enda lenyau tanah adat udah tu ila.
Ku Masing, sekeda perkara ti balat nanggul nya ia nya ketegal betelisih ba adat asal enggau undang-undang tanah ti dipegai perintah menua enggau Perlembagaan Persekutuan.
Iya madahka tiga bengkah pekara nya balat betelisih enggau pangan diri ti ngujungka tusah deka ngaduka tanah adat endur bejalaika pengawa pemansang kelebih agi bekebun bedandang besai.
Taja pia Masing nadai madahka maya parti tu deka berandau enggau perintah menua tauka perintah besai pasal pekara tu.
Ari nya enti nyema penanggul tu mujur diputarka ila, dia kitai Iban enda tau enda meri besai terima kasih ngagai Masing enggau PRS.
Lalu enda nyema pekara tu enda mujur diputar dia kitai bisi kebuah tau enda bebasaka pemegai tampuk perintah kediatu.
Ditu meh maya kitai tau nguingka penemu diri ila, tang kandang kediatu nadai kebuah dulu begedika perintah ketegal NCR laban diatu sida benung ngiga atur kena mutar penanggul tu.
Masing madahka bisi 1.5 milion hektar tanah NCR ba menua Sarawak.
No comments:
Post a Comment