Ulih: Thun Diwan
MUKAH: Pengundi ba sitak Kunsil Negeri Pelagus tau enda tentu ibuh kiruh betalatka pengari ti deka diengkahka Barisan Nasional (BN) ngetankan penuduknya ba pengawa bepilih ti deka datai.
Kebuah pia, laban BN ti betuaikan Pehin Sri Abdul Taib Mahmud endang udah bisi penemu kediri empu ti tau meri penguntung ngagai mensia ba Pelagus.
Nya alai enti pengundi ba sitak nya betalatka penemu pasal pekara dia sida deka ngiruh diri laban penemu sida enda didingan tuai ba BN ila.
Enti nyema pengundi ba sitak tu agi keras deka ngetanka Larry Sng, enda meh jadi enti nyema BN udh bisi penemu bukai.
Lau pia mega enti pengundi ba menua tu bekenang kin kitu madahka Larry patut diganti, enda meh BN ningan enti nyema sida udah bisi penemu deka ngetanka Larry.
Taja pia Presiden Parti Rakyat Sarawak (PRS), Dato Sri Dr James Masing endang udah nyemetak endar penemu ti dekan nganti Larry.
Ukai semina nya, Masing mega udah merambu tiga nama ti deka dianjungkan ngagai BN ngambika tau diperunding kena nganti Larry ngetan sitak nya ba pengawa bepilih ti deka datai.
Enti belalauka penemu Masing tu dia Pelagus deka bisi orang baru maya pengawa bepilih tu ila.
Pia pan bala pengundi ti deka meda Larry Sng dibuai ari nya anag kekalu gagit ati laban, Pehin Sri Taib nyangka bisi penemu bukai.
Lalu pia mega kita ti kering nyukung Larry anang mantaika pengeringat, laban kita apin tentu nemu nama ukai ti deka nyadi.
Kena jaku simpul, manah agi kita nitihka ai, enti nyema PRS tauka BN nganti Larry Sng lalu orang nya ulih dikarap, nadai salah meri sukung ngagai iya.
Lalu enti nyema orang ti dipilih PRS nya ila enda ulih ti karap, undi orang bukai.
PRS nadai pengari ba Pelagus udah bekau Larry Sng, dibuai ari parti nya ba penyarut politik parti nya 2008.
Parti tu bisi semilan penuduk ba kunsil negeri, ke bukai ia nya Balai Ringin, Bukit Begunan, Batai Ai, Ngemah, Baleh, Tamin, Kakus enggau Belaga.
Ka iya 10 nama ka dianjung enti enda berani bejako penusah iban d menoa kapit nadai meh guna. Dulo jalai ngagai Sibu nadai ninger berita, harga barang penaka aja cina niki ka. cina aja ka kaya iban lalu miskin selama. siti nadai meh kedai di menoa kapit empu iban tang cina magang ka ngempu. Yb iban nadai bc planning ka maju ka iban aba pengawa business. Enda nemu nama utai dirunding sida yb iban. Uji peda yb cina maioh utai diperebut ka sida enti udah nyadi yb. tender, license, business etc. kitai iban ka ngasoh nulong kaban gawa di jabatan kerajaan pun tusah.
ReplyDeleteTerima kasih maioh ngagai semua bala pengundi ke udah milih pengari wakil rakyat kitai ke bansa iban.YB kitai Iban ke udah dipilih bansa diri, ingat meh ke pengundi kita. Beteladan meh ba YB bansa bukai(Melayu,Cina,India,Melanau). YB bansa kitai kelalu enda ingat ke bansa diri. Udah sida nyamai, bulih utai, rakyat ke diau merinsa di rumah panjai enda diperati ke sida YB. Projek (MRP) ke diberi semina bisi aja kena nampal mata rakyat. Nama kabuah YB kitai Iban nadai berunding pasal mega projek baka area ke bedau bisi jalai (sibu-kapit,kapit-gaat,mujong-antawau),kilang-kilang, ladang-ladang serta kebun besai,sekula,hospital enggau projek bukai ke nguntung ke rakyat bansa Iban. Bepikir meh kita YB bansa Iban.
ReplyDeleteOrang Btg Rajang:
ReplyDeleteDi pelaba aku, bisi bala YB kitai Iban bejako ka bansa kitai, tang tudah semina bejako aja di dewan. Jako sida to enda didingga ka orang ka bisi kuasa. Nama kabuah pia laban orang sigi enggai meda bansa kitai oleh ngidup ka diri. Laban enti kitai Iban oleh ngidup ka diri, kitai ngelaban sida ia, pia ko penemu sida ia. Tang kitai nadai runding/penemu bakanya, mungkin siko dua, tang kemaioh agi enda bepenemu baka nya.
Baka penemu ke dibai Dato Sri Dr. James leboh ke betemu enggau PM di miri to tadi, dia Dato Sri Dr. James bisi minta perintah pusat meri subsidi kena ngangkut barang pemakai di menoa ulu serta minta budget ari perintah pusat kena ngaga ai tekat ari bukit ke guna kitai Iban Ulu sungai ke enda oleh datai ai perintah. Nyadi nya siti nunjuk ka ketuai kitai bisi betati ka penusah kitai Iban Ulu sungai.
Pengari ka baka nya meh pengari ke digiga kitai ke nemu penusah rakyat, lalu ukai penting ka diri empu aja.
SYABAS DATO SRI DR. JAMES.
Kami arap ka peminta nya di perunding ka perintah pusat.