Ulih: Thun Diwan
MUKAH: Parti Rakyat Bersatu Sarawak (SUPP) baka ti enda puas ati udah bekau ti mai penyarut ngagai raban bansa China ba parti nya.
Apin lama ti udah parti tu mega udah megau raban bansa Bidayuh ba sitak Bengoh ngena mayuh bengkah isu ti tau mai penyarut.
Tu enda chukup ngemuaska ati parti nya, diatu parti tu nguji deka mai penyarut ngagai raban bansa Iban ba sitak Kunsil Nengeri Engkilili.
Pemasuk kaban kunsil nengeri sitak nya, Dr Johnical Rayong enda udah diatur parti tu ngambika raban bansa Iban ti nguan sitak tu begedi ke pangan diri.
Ni enda pia, orang ti udah lama nyukung SUPP ba sitak nya lalu dipenyati, Dr Rayong ti udah bejai sereta ngelaban SUPP ba pengawa bepilih 2006 suba, diatu diambi masuk SUPP kena ngepunka penyarut nya.
Ari nya nyata bendar SUPP menyatika bala kaban diri ba sitak tu kelimpah ari ti enda bebasaka bekau pegari pengawa bepilih tu kemari Jonathan Krai Pilo enggau bekau Pengari SUPP ari sitak nya Toh Heng San.
Rayong ba pekara tu ti nyata bendar dipeda semina deka ngiga ulih kediri empu, lalu enda ngenang diri ti tau mai penyarut ngagai raban bansa Iban ba sitak nya udah u ila.
Iban ba sitak tu enti ulih anang nitih politik SUPP ti betuju deka mai penyarut, kita patut ngiarka SUPP ari sitak nya ngambika bansa diri empu tau maju.
Enti nyema kita agi bepanggai ba SUPP enda milih sapa sekalika Rayong, Toh Heng San tauka orang bukai, Iban ba Engkilili sigi deka terus charut sereta nyingkang kebelakang berbanding enggau bansa bukai ti lalu terus majak ke mua.
Nya alai putar kediri empu ba pengawa bepilih ti deka datai, pengari ti lama udah ditemu bulu, kita udah ngelala Rayong, Toh Heng San enda ibu sebut.
Rayong naka kediatu semina nemu mai ke kita projek atap zing, projek nyeruri rumah.
Projek ti baka tu nadai diguna orang agi, enda patut raban bansa Iban enda teserurika rumah diri lalu enda tesilupka atap tuduh.
Badu dikemelika parti politik ti deka mai penyarut ngagai kita, Anang agi diumpan ngena atap zing.
Kerembai ka penemu kita laban orang ti udah mansang orang ti mega pugu perintah ngelama tu endang bepun ari menua Engkilili.
Nya alai Iban ba Engkilili anang kelalu deka diindik orang bukai, kita bisi ngembuan penemu ti tau dikena kemansangka diri lalu ukai undur kebelakang.
Rayong udah diterima masuk Barisan Nasional nengah SUPP apin lama ti udah.
Kasih ga meda dr johnical rayong laban pandak amat runding aba penemu politik iya. Nyata amat sida supp/bn bisi meri utai nya berambis ati lalu masuk bn lalu enda berunding ka rakyat nyukong ia suba enggai meda bn/supp.Bc amat utai di runding bekani ka raya japat. Nama iya ingat parti supp ulih nulong rakyat d engkili ka??? sida cina empu enggai meda parti supp diato iya ngena parti ka nulong iban ngasoh maioh ari penyarut ari penyenang.
ReplyDelete