SUPP ngatur pejalai nyarut Iban ba Engkilili

Ulih: Thun Diwan

MUKAH: Parti Rakyat Bersatu Sarawak (SUPP) baka ti enda puas ati udah bekau ti mai penyarut ngagai raban bansa China ba parti nya.

Apin lama ti udah parti tu mega udah megau raban bansa Bidayuh ba sitak Bengoh ngena mayuh bengkah isu ti tau mai penyarut.

Tu enda chukup ngemuaska ati parti nya, diatu parti tu nguji deka mai penyarut ngagai raban bansa Iban ba sitak Kunsil Nengeri Engkilili.

Pemasuk kaban kunsil nengeri sitak nya, Dr Johnical Rayong enda udah diatur parti tu ngambika raban bansa Iban ti nguan sitak tu begedi ke pangan diri.

Orang Engkilili rindu ke 'engkatak'

Ulih : Thun Diwan

MUKAH: Kaban Kunsil Nengeri Engkilili, Dr Johnical Rayong ti ngembuan engkechit sereta merejuk baka pama udah bekau ti bejaika perintah Barisan Nasional (BN), diatu baka ti udah dikerinduka orang Engkilili.

Rayong ari Sarawak Nasional Parti (SNAP) menang ba pengawa bepilih menua 2006 ngena mayuh macham isu bejaika perintah lebuh maya nya.

Taja pan udah ngasaka penyukung iya udah ti menang ba pengawa bepilih tu suba, tang orang Engikili baka ti enda ibuh lalu sanggup lalu nejuka diri terus dikemulaka pengari tu.


Balat agi ngenyinuka ati, lebuh meda sida tu begawai besai nerima penatai orang ti tau disemaka baka engkatak tu ngagai pengerami ti bisi diatur ba Engkilili.