SALCRA berutang, Jabu untung

Ulih: Thun Diwan

Sapit Kepala Menteri Datuk Patinggi Tan Sri Alfred Jabu betempap pah meda pemanah rumah baru Gerempung Pengempung enggau Pemulai Pemanah Tanah Sarawak ba Kota Samarahan.

Lebuh ti bejako ba pengerami mangkong Tiang rumah baru nya apin lama ti udah, dia Jabu enggau naka penginggar madahka pemanah rumahnya ti disikapka enggau perengka teknologi.

Iya mega madahka rumah 12 tingkat nya digaga ngena belanja RM67.45 juta.

Jabu lebuh ti bejaku nya sekali kali nadai nyebutka penatai duit nya sekalika ia untung ari hasil ladang gerempung nya sekumbang 34 taun ti udah.

Bisi utai diselit Jabu dibaruh tikai ngambika enda dipeda mensia mayuh ti ngulu pengerami nya maya nya suba.

Nitihka berita, SALCRA ti dipegai Jabu bisi nginjau RM100 juta ari bank kena ngaga rumah bartu gerempung pemansang tanah adat nya.

Enti dibandingkan penyampau duit injau enggau ungkus ngaga rumah nya dia SALCRA bisi nyimpan kurang lebih dalam RM32 juta.

Nama kebuh Jabu nadai nyebut penyampau duit ti injau ari bank, lalu nama mega kebuah iya enda nyebut penyampau duit ti bisi lebih tauka kurang nya.

Dipelabaka enda ibu dikelikuh pekara nya, tang semua sama nemu kini tunga duit nya.

Mensia mayuh kelebih agi orang ti masuk skim SALCRA tentu mayuh mayuh agi tanya pasal pekara tu.

Enti enda pia dia SALCRA deka ngeluar mayuh agi belanja tiap bulan dikena mayar pulai duit ti udah diinjau ari bank nya.

Laban ti enda dibayar dia tau bendar rumah nya ditarit bank.

Dipelabaka pelkara tu deka nyadi tang ukai dia tu, iya deka nyadi lebuh Jabu udah ngelekaka diri ari SALCRA jemah ila.

Kebuah oia laban semua utang ti nuntung SALCRA deka pansut lebuh maya nya ila.

Kelimpah ari nya semua penyai enggau pemanah SALCRA lebuh ti dipegai Jabu mega deka pegari ba mata mensia mayuh maya nya ila.