MUKAH: Enti bisi penemu didinga deka ngempung sereta ngerapitka kaul raban bansa Dayak ba menua tu, Tan Sri Jabu Numpang meh orang ti dulu ngemba bala orang nya ngambika pengawa sida puntan.
Lalu pia mega enti nyema bisi perambu deka ngemansangka pengidup raban bansa nya ba menua tu, Jabu mega orang ti keterubah datai lalu ngerumpang langkar ia.
Mayuh udah dipeda, Serakup Bansa Dayak Sarawaki (SDNU) ti ditumbuhka kena ngangkatka tikas rama sereta kaul entara pupu bansa dalam raban bansa Dayak enda enchekuk ketegal Jabu enggai meda.
Lalu pia mega Serakup Dayak Iban Sarawak (SADIA) semina idup jengap-jengap enti enda ketegal kaban serakup tu mutus ati ngetanka diri ketegal sinuka bansa, lama serakup tu udah mati, dinyak Jabu.
Kenyau ari iya masuk politik suba, Sapit Kelapa Menteri ti selalu ngulum leka jaku 'Pehin Sri Taib yang kita kasihi' lalu berengkah ngindik bansa Dayak kelebih Iban.
Iya belabuhka nirika empara lalu 'munuh' politik Datuk Amar Stephen Kalong Ningkan ba sitak Kunsil Nengeri Engkilili lebuh maya nya.
Enda chukup enggau pemujur nya, Jabu mega lalu nampung pengawa iya ngempang pejalai politik Datuk Simon Dembak Maja ti nyadi Sapit Kepala Menteri lebuh maya nya.
Udah nya enda meh Jabu puas ati dataika begempung enggau orang bansa bukai muai Datuk Daniel Tajem ari penuduk Sapit Kelapa Menteri enda lama udah nya.
Jabu lalu terus bejaika Daniel madahka orang tu enda ngereja pengawa sereta nadai ngemansangka raban bansa Iban lebuh ti mangku penuduk Sapit Kepala Menteri.
Jabu pan bulih upah ari pengawa iya tu lalu dipaduka nyadi Sapit Kepala Menteri nganti Daniel.
Leka jaku lalu ditabur iya kulu,kili lebuh ti ngulu pengerami ba menua tu.
Reti nya semina iya pandai lalu landik ngemansangka raban bansa Dayak tauka Iban ba menua tu.
Lebih dua puluh taun udah Jabu ti ngelar diri pengering Dayak sereta mangku penuduk Sapit Kepala Menteri lalu ngemansangka raban bansa asal tu.
Dalam dua puluh taun nya jauh raban bansa Dayak kelebih agi Iban kusut ari penyerakup,adat basa sereta reta tengkira.
Sepuluh taun ti udah dia Jabu mantaika main iya ti penudi lalu ngeruntuhka politik peturun Tun Jugah ngena jalai ngiarka Datuk Amar Linggi Jugah.
Sekumbang nyadi Sapit Kepala Menteri,Jabu udah ngeregau penyerakup, nyual main enggau adat asal, munaska reta tengkira baka tanah pesaka.
Enda ibuh ditelah lalu dikenang enggau panjai pekara tu, anak mit pan nemu.
Tu tadi lebuh Forum Dayak Borneo ti baru ditumbuh lalu betuju deka nyerakupka raban bansa Dayak, orang ti dulu mansutka mantah langgur ti mega Jabu.
Jabu pan lalu silau meda semua orang dalam forum tu, nyentukka gambar sida tu pansut ba surat kabar pan enggau meda.
Ku iya ,sida tu deka ngerusakka atur ngemansang bansa Dayak ngena politiik.
Tang enti pengawa nyerakupka raban bansa bukai ngambika betulung munaska raban bansa Dayak, Jabu ari raban bansa Iban dulu datai ba palan
Enggau tu enti nyema orang Betong ti madahka diri ditunggung pemansang dibai Jabu enda muai Sapit Kepala Menteri tu lebuh maya pengawa bepilih ti deka datai tu, dia iya deka ngena peluang ti penudi duduk ba kerusi nya munaska raban bansa Dayak kelebih agi Iban di Sarawak.
Manah amat comment tu. Maioh endar utai di tusi tu endang bisi nyadi. tang sapa kitai Iban ti ulih di padu ka tuai. Ngenang tuai ti dulu suba baka Leo moggie, daniel Tajem, simon dembab, Tawi seli enggau maioh agi bala menteri bukai sida tu mega nadi tentu mai pemansang. Leo moggie, daniel Tajem nama pemansang di beri sida iya.
ReplyDeleteSapa ti patut nyadi tuai? Masing Mawan salang uggah etc?
Kitai iban diatu nadai bisi orang ti tau nyadi tuai.
Nama penemu pasal tu deh?
kasih amat meh kitai dayak tak nadai tau berserakup sampai ke diatu.
ReplyDeleteSemua tak nadai patut nyadi ketuai. Engai enda engai jabu nya meh ketuai kitai dayak.
badu bejaku ke ulah ketuai kitai..gaga bansa bukai meda kitai carut belama.
Iban Kapit;
ReplyDelete.....badu bejaku ke ulah ketuai kitai..gaga bansa bukai meda kitai carut belama.
Jako tok bisi amat, tang bisi enda. Enti kelalu kitai ngawak ke ia , makai bansa kitai. Kelalu kitai diam, lalu le orang enda iboh. Contoh ajak auk; Baka hal projek, ko jako kitai enggai ke orang madah kitai maioh komplin. Tapi last-last, kerajaan madah kitai enda bulih projek laban nadai ngaga permohonan. Nadai nyalak baka orang bukai.
Manah kitai mansut ke jako, manah kitai betanya ke penemu serta ningga penemu orang. Indah enti kitai pandai nguna jako kedai kopi pin beguna, ia tau nyadi ke tangkan tauka buah leka jako serta penemu kitai.
Baka sidak Jabu, sapa berani amat-amat ngerara penyalah sidak ia. Bisi ia ke berani sidak parti DAP maya persidangan dewan ajak. kelalu enda di jelentik nya kebuah sidak ia lalu enda sedar-sedar. Terunda-runda, ia ke nyadi mangsa kitai ti dibaruh anak biak redak.
Maioh kitai Iban udah nemu masalah pemimpin kitai Iban ti enda ulih mai kitai maju. Tapi asai aku, udah laun mimit kitai sedar. Peda kitai ulih kira kitai iban ti bisi business. Enti kerja ba perintah bisi meh nya laban kitai ga sigi maioh ari bansa bukai di Sarawak. Tang business entik kitai baka runding sidak Cina ukai ulih ngidup ke generasi kitai ajak , ia ulih ngidup ke generasi anak ucu kitai, enda baka kitai semina nyadi kuli...
ok le nya ajak....
Jual obat aborsi cytotec misoprostol pfizer asli Cara menggugurkan kandungan dengan obat penggugur kandungan ini telah memberi tingkat keberhasilan 100% . info pemesanan no Hp : 0853 8592 4499.
ReplyDeleteJual obat aborsi malang, Jual obat aborsi bandung, Jual obat aborsi batam, Jual obat aborsi makassar.
Jual obat aborsi surabaya