Saturday, September 18, 2010

Iban begawai besai enti Jabu nyebut jaku badu


Ulih: Thun Diwan

MUKAH: Tan Sri Jabu lalu enda engkeretik taja pan Pehin Sri Taib enggau Tan Sri Dr George Chan udah merambu deka narit diri ari ngetan penuduk seduai iya ba pengawa bepilih besai menua ti deka datai tu ila.

Dipelabaka agi mayuh orang ba menua tu rinduka Tan Sri Dr Chan ngambika mengkang mangku pengawa iya jadi Sapit Kepala Menteri ti dibandingka enggau Tan Sri Jabu.

Pehin Sri Taib enda ibuh disebut laban iya sigi semampai disayauka mensia mayuh ukai semina tuai parti politik tang mega orang siku-siku ba menua tu.

Nama kebuah Tan Sri Jabu takut nyebut jaku badu..? Kebuah ia laban Tan Sri Jabu nemu empa diri empu ngelama tu ti udah.

Enti nyema iya madahka diri deka ngetu lalu enda ngetanka penuduk iya ba pengawa bepilih ti deka datai, mayuh Iban begawai besai.
Begawai laban udah ngingkaska diri ari sintak panjuk pemansang, begawai ketegal mujur muka simpul tanchang amba menyeranta.

Kebuah pia ba pengelama Tan Sri Jabu masuk pengawa politik kenyau ti dipilih jadi pengari rayat ari taun 1972 kelia nyentukka mangku pengawa jadi Sapit Kepala Menteri diatu, iya mayuh amat udah bebebulaka bansa Iban.

Ukai semina nya aja, semua projek pemansang ti dipejalaika iya ti dikumbai tau ngangkatka tikas pengidup bansa Iban ba menua pesisir tauka nengeri, nya semina jaku kelulu ngambika iya enda nampak dipeda masau bansa diri.

Enti nyema bansa Iban maju, orang ti pemadu takut diau ba dunya tu nadai orang bukai iya nya Tan Sri Jabu.

Lalu enti nyema Iban terus diau seranta ba menua tu, orang ti ngatur begawai besai ninting taun nadai orang bukai tang Tan Sri Jabu.

Lalu enti nyema Tan Sri Jabu agi ngetanka penuduk Layar iya ba pengawa bepilih besai ti deka datai, orang Betong patut berunding panjai ningkilka iya ngena undi.

Kebuah pia enggaika sida di Betong dipadah Iban ari menua bukai nyaup Tan Sri Jabu ngerusak bansa diri.


8 comments:

  1. Pehin Sri Taib enda ibuh disebut laban iya sigi semampai disayauka mensia mayuh ukai semina tuai parti politik tang mega orang siku-siku ba menua tu.

    Tu jako emba aja. Ukai Taib amat di kerindu ka orang maioh. Tang takut ka kuasa iya ti tau meri pemerinsa ngagai sapa ti enda nyukung iya.

    Anang salah sangka. Enti iya badu nyadi CM nadai orang beguna ka iya agi. Nadai ngelala iya.

    Ingat kita lebuh Rahman Yakub nyadi CM enggau gabenur maioh orang nyembah iya tang lebuh iya ngetu iya nadai pangan agi. Tu meh gaya orang nerja Taib ila.

    ReplyDelete
  2. Saudara semua coba lihat dalam surat khabar minggu lepas, DP JABU wakil negeri Sarawak ke Majlis Perayaan 1 Malaysia berpusat di KK. Sabah. Tidak lain walau pun macam macam dikatakan, DP Jabu akan juga kekal dengan jawatan nya dan yang akan nanti mengantikan Pehin Sri Pengiran apa bila beliau bersama tidak lama lagi.Samoga DP Jabu terus berjaya, dan Hidup Jabu.

    ReplyDelete
  3. Kami sokong DP Jabu untuk jadi penganti CM baru kelak. Kerana Jabu telah lama dan banyak pengelaman dan tidak pernah sisih dengan YAB KM dalam apa apa juga perkara. Jabu adalah berpengalaman labih dari orang orang lain walau pun kata orang is pendiam, dan berdisiplin tinggi dan tidak pernah lawan taukei.Semua ikut kata Boss. Walau pun ia pernah dikatakan menumpang, ya , ia menumpang dengan taat setia kpd Boss. Orang saperti inilah yang layak dipilih kelak jadi pengati KM.

    ReplyDelete
  4. Bangsa bukai sigi ka meda jabu laban manah enggau bangsa bukai tang enggau bangsa iban nadai sigi pengawa enti udah di peda mujur maju ka bangsa iban. enti iya nyadi KM pun nadai ulih meri pemansang ngagai bangsa iban laban mensia baka jabu tok sigi nadai sifat kepimpinan tang semina nemu kaki ampu ngagai taib ngelama tok. udah lah kerajaan BN kaki rasuah segulai kaki ampu/bodek nyadi lah.

    ReplyDelete
  5. sema jako enti jako jabu tok bangsa cina enda lama iya nyadi yb/ menteri kala enda satu penggal aja laban yb cina sigi berbendar ngeangkat bangsa sida iya. ukai semina ari MCA/SUPP atau ka DAP sigi memperjuangkan hak sida di menua tok sampai maioh ari pemimpin sida tan d ISA laban kelalu di peda perintah menua tok.
    tang Jabu/masing/ mawan nadai kala ninger pun mansut penusah org iban. Takut buai ari penduduk sida kini. aka enti buai penduduk legi sida lalu kerja agi sida lalu miskin lalu enda nemu nama utai gaga agi.

    ReplyDelete
  6. Tan Sri Jabu ukai takut tang selama tu iya sigi nerima arahan ari Pehin Sri aja. lalu ngujung ka iya enda nemu bepikir kediri. Iya semina nganti jako ari Pehin Sri , enti Pehin Sri ngasoh iya madah kediri badu iya baru berani.Iya tu udah tepakai ka pengaruh Pehin Sri lalu baka kerebau udah ditanchan ba idong. Kitai selalu meda dalam TV leboh iya mansak Pehin Sri iya nundok baka udok enti tau meragau iyadeka meragau mansak Pehin Sri. Enti Pehin Sri ngasoh iya nilat tapak kaki iya, iya pin ka mega.Kati iya enda bepikir Pehin Sri di pilih orang, Iya mega di pilih orang, semina penudok dalam opis enda sebaka. nya alai lapa iya tau baka nya? sinu amat meda kitai Dayak/Iban nyadi apai saloi baka nya. Pun ari iya orang meda kitai Dayak/Iban paloi nadai bisi rega, lalu medah di tipu.

    ReplyDelete
  7. ukai ketegal jabu takut ka taib,,,,tang masa diatu taib agi nyadi km...nti nyema taib dah badu jadi km...lalu jabu nyadi km...sapa sapa pan orang di baroh ia tetap nitih ka jako ia aja..jabu nda enkeretik ngelama tu ketegal ia enggai mengeruh kan keadaan...

    ReplyDelete
  8. nuan tu becerita baka ke diau serumah enggau YB JABU.

    ReplyDelete