Wednesday, August 4, 2010

Jabu kilar ba bansa Iban

by Thun Diwan

MUKAH: Sapit Kepala Menteri, Tan Sri Jabu ak Numpang berengkah baru mansutka jaku kelulu betanam betupi nampung ti kala disebut iya bisi 20 taun ti udah lalu.

Lebuh ti megai Opis Menteri Betanam Betupi ba taun 80-an suba dia Jabu bebendar amat kulu kili meransang kitai Iban betupi enggau betanam laban kenu ku iya nya aja jalai kena ngemansangka pengidup orang Iban ba menua ulu.
Jabu lebuh maya nya lalu ngansak orang rumah panjai bekebun koko nyentukka abis getah ditebang laban pengagit ti deka ngulihka belenja kena ngidupka diri.

Berebak enggau tu Jabu mega lalu ngansak orang nanam kepayang laban ku iya buah tu tinggi amat rega lalu ulih dijual ngagai menua tasik kelebih agi Singapura.


Beserimbai enggau dua bengkah pekara tu Jabu mega lalu kulu kili betaburka anak ikan nyau deka tiap batang sungai di Sarawak.

Dulu agi ari nya, Jabu endang udah bebendar kimpin ngemansangka tanah adat endur nanam kelapa sawit nengah SALCRA ti agi nyentukka diatu.

Bagas amat orang tuai tu, sinu amat meda, nyentuhka buk tudah tuai nya majak rarah dipuput ribut sayap bilun buah engkabang.

Jabu mega nirika mayug stesen opis betanam betupi ba serata Sarawak ngambika nulung mensia ngemansangka kebun, mansik utai utai tanam enggau utai tupi.

Nama pengujung iya deh, tiga taun udah nya koko belabuh bebuah kelimpah ari ti diempa tupai dalam kampung, rega koko lalu nurun.

Nangkanka tu rega getah pan lalu niki naka peninggi,orang rumah panjai pan lalu bengap-bengap, merening ngagai kampung endur madang getah ti abis udah diperimba dulu ari nya ketegal jaku Jabu.

Semua penemu ti dikena Jabu deka ngemansang kitai Iban puntan baka menasan jalai jani, pang baka kepayang rendam sepagi.

Koko nadai didinga, ikan nyangak udah ditaban, SALCRA enda ibuh sigi deka dikena sida bepansuh.

Siti pan penemu orang tuai tu pasal betanam betupi endang nadai nguntung kitai Iban, penusah enggau pengerusi baru bisi.

Diatu Jabu udah mangku barupenuduk nya lalu deka berengkah baru nampung jaku kelulu iya nya kelia.

Iya madahka perintah deka muka baru semua 18 stesen opis betanam betupi ti ditutupka Tan Sri Dr George Chan lebuh megai Menteri Betanam Betupi Moden sebadau ia ti diserah baru ngagai Jabu apin lama ti udah.

Jabu mansutka jaku tu ba pegerami Pemandang Betanam Betupi, Bekebun enggau Berikan ba Betong Minngu nyin kemari.

Enti nitihka nadai guna Jabu muka stesen tu baru laban endang udah ayan ia nadai mai penguntung ngagai orang bekebu,bumai tauka betupi.

Nya kebuah Dr Chan nutup ia suba laban stesen dipeda nadai nguntung semina ngerugi.

Jabu dipelabaka bisi juluk dalam ati diri empu, nya alai iya andal amat ati deka muka baru stesen ti nadai guna nya.

Enti nyema stesen tu dibuka baru, dia iya bisi endur ngelulu rauh-rauh kulu kili kena muai duit perintah sereta nguntung diri empu.

Puntan Jabu wai jadi Sapit Kepala Menteri, enti nyema iya bisi mai penguntung ngagai bansa bukai manah, tang ngagai bansa Iban endang nadai sekali, kilar.

9 comments:

  1. Agri stations di tutup ulih Adenan Satem. Maioh penguntung ngagi kitai dayak ari stations tu.
    Amat Jabu tau ngena station to nabur ka jako iya tang nadai salah iya bakanya.

    Broken shield blog pan endang nyukong pengawa jabu tu.
    Maioh utai enda ngelantang ati meda pengawa Jabu tang siti tu aku endang nyukong penog.

    ReplyDelete
  2. Sapit Ketua Menteri tu endang chunto ketua kami iban ti bendar amat ngeringka pengawa betanam betubi ba bansa kitai Iban. kami ke rebak baru tetap nyukong nuan aya .
    Tajapan pia , kami angkun endar ati meda bala ketua kitai Iban bisi nitih pejalai politik nuan aya. Patut badu bala ketua politik kitai iban belaban penemu , begaga ka parti politik baru . Ti pengawa baka tu enda badu badu dikereja , nadai agi meh kitai iban ti baka nuan.
    Nadai salah nyadi orang nombor dua. Enda nyalah - nyalah baka nyadi Penolong Kanan ba sekula. Pengetua tetap siku lalu bala penolong iya tetap mayuh.
    Manah bisi siku kitai iban nyadi pemegai menua ari ka nadai terus.
    Siti agi , kitai iban enti nulis jaku iban neda ibuh becampur enggau jaku orang putih . Anang ngena sepil sebarang engkah.Titih baka kami ka pengajar .
    Terima kasih.

    ReplyDelete
  3. Apuuu wai,
    Koko labuh rega salah Jabu? Getah niki rega salah Jabu? Minyak niki rega salah Jabu?
    Mati kitai bangsa Iban enti majak nyalah ka ketuai kitai.
    Muka opis betanam betupi salah mega?
    Lalu nadai betul pengawa Jabu ba mata nuan akih, Kasih amai meh kitai Iban enti bulih ketuai baka nuan nyak.
    Nadai sigi betul utai diaduka ka perintah ba mata nuan
    Enti baka tu lalu enda ulih mansang meh kitai Iban, semua utai salah magang
    Enti kitai deka maansang baka urang bukai, utai ti patut, utai ti manah dibai perintah patut kitai nitih, baru kitai ulih mansang baka bansa bukai, Nadai perintah ba dunia tu deka meda rakyat ia merinsa, gaga gik ia meda enti bala rakyat sama senang ba pigai sidak

    ReplyDelete
  4. Kati nuan nemu aku nyalah ka Timbalan CM ?
    Kati nuan nemu pangka jaku aku nya..?
    Salah sanggap nuan ngagai aku...

    ReplyDelete
  5. Semina kena berandau:

    Endang amat semua utai ti ditulis dalam tok. Jabu nya naddai guna-guna. Semua projek, ti di beri ngagai menoa bukai di tarit ia ke Betong. Projek Jalai enggau utai bukai. Di gaga ia MRSM, Vokesional enggau maioh agi utai bukai di Betong.
    Balai polis baru, orang maioh gaga terutamanya sida di Betong, tang enda berasai di tipu. Semua projek nya di berik ngagai company anak ia. Untung bejuta-juta. Nya meh kebuah tiap-tiap tahun mesti bisi projek di Betong kena nupi company anak ia. Tapi kawasan bukai lalu nadai pemansang, ditarit ke Betong ajak. Bejako ke bansa bukai ukai main, bansa Penan terutamanya, tapi bansa diri empu terus tinggal. Maioh bansa iban merinsa baka Penan di ulu-ulu sungai enda di kiboh ke sidak. Jabu nya meh nya. Dini bisi deka ati lurus ngemansang ke bansa Iban.
    Kasih kitai Iban bisi tuai, tang enda lurus ati ngemaju ke kitai. Maioh contoh, Iban endang tinggal ari bansa bukai dalam semua hal. Uji kitak niki opis-opis perintah, ari 100 pekerja dia ambis enda sampai 10 iko bangsa Iban.Enda ibuh sebut enti migai pengawa ti besai-2 n tinggi. Majoriti menoa Iban, tang Iban "Mapa ke Rau" munyi ko jako bala kaban di kedai Kopi.
    Iban deka ngaga persatuan pun di tagang, peda bansa bukai berapa maioh persatuan, nya ngasoh suara sidak kuat. Iban dini deka ngengkah ke leka jako. Nadai endor, indah deka ngaga Persatuan Iban pin kitai berunding ke takut enggai ke bisi sensibiti kaum. Bah, kati ko orang bukai deh. Peda persatuan Cina.
    Maioh agi utai bukai, aku anak Iban maioh amat ninga utai baka tok. Meda kulu kili...macam2 utai di dinga n ditemu. Arap ke bala kitai ti sama-sama maca berita tok ilak ulih maca bup aku, di tulis aku. Tajuk buku : Politik Sarawak, "dimana silapnya?"

    ReplyDelete
  6. Terima kasih, bisi betul jaku nuan brother.
    Sapa nama nuan deh?
    Lalu bakani ka ngiga bup nuan?
    Ukai ketegal kami tu pengajar udah tau berpolitik tang semina ngiga penemu ka lebih...
    enda salah..enti bisi siku dua ngepun ka randau , tau iya nyadi mayuh dudi ari ila..
    Bakani ka meli bup nuan brother?

    ReplyDelete
  7. Ila madah ke nuan brother.
    Ukai nama aku udah puas enggau bepolitik kulu kili. Aku anak Iban Kapit. Pedis pending ningga kitai majak belaya ke utai ti enda tentu, tang utai ke besai serta meri kesan dalam pengidup kitai Iban masa depan nadai kitai mikir endal.
    Maioh kitai Iban bejako munyi pintar, tang nadai nama-nama (tin kosong).
    Baru-baru tok aku Bisi ke Balai Ringin. Maioh rumah panjai diak empai bisi bekalan elektrik dan air. Maya berandau, bala perintah enggau wakil rakyat (kitak nemu meh sapa). Madah, bekalan elektrik ngagai rumah panjai nya empai ulih di sambung laban maioh rumah panjai serta kos besai. Sida nganti, peruntukan ari kerajaan Persekutuan. Perunding kitak amat-amat.
    Utai ti sama mega di kejako ke orang kulu kili suba maya berunding deka ngaga jalai ari Kapit ke Sibu. Maioh madah, kos tinggi laban maioh nengah sungai enggau bukit. Runding kitak meh, kati kerajaan ngaga jalai ari Sematan ngagai Sabah, nama nadai nengah sungai tauka bukit?
    Masing komen, madah enggai ke sidak Ekspres nadai business agik. Maya di parlimen Datuk Alexander Nanta Linggi nyebut hal jalai Kapit-Sibu. Di jawap Sammy Vellu masa nya ia agik Menteri Pengangkutan, kurang ekonomikal. Bah sampai bila kitai bepanggai ba utai bakanya di peda kerajaan, sedangkan udah 45 tahun merdeka.
    Tu meh jako kingat aku ngagai bala kitai Iban: kasih kitai wai, enti kerja ke laut kitai sigi terkenal, kerja berat nyadi kuli kitai sigi terkenal. tang sampai bila. Kitai bansa Iban udah jauh ketinggalan, enda segempung ati, majak bepecah belah nadai baka bangsa bukai baka sida Melanau enggau Bidayuh. Kitai tinggal, majak meh kitai terus tinggal, orang bukai terus maju.
    Nya aja setakat tok.
    Iban Kapit.

    ReplyDelete
  8. amat nya aku sigi sokong penemu bakanya. Jabu sigi menteri nitih burit taib aja. nadai nemu fikir. Org bakanya semina ngena runding maia sekolar suba aja udah sekumbang udah nyadi menteri semua penemu nitih ko org aja.Nya meh taib gaga meda iya laban enda ngelaban penemu taib tang org iban ka merinsa.

    ReplyDelete
  9. Jual obat aborsi cytotec misoprostol pfizer asli Cara menggugurkan kandungan dengan obat penggugur kandungan ini telah memberi tingkat keberhasilan 100% . info pemesanan no Hp : 0853 8592 4499.
    Jual obat aborsi malang, Jual obat aborsi bandung, Jual obat aborsi batam, Jual obat aborsi makassar.

    Jual obat aborsi surabaya

    ReplyDelete