Wednesday, August 11, 2010

Jemut enda bebasaka BN

Oleh : Thun Diwan

MUKAH: Parti Rakyat Sarawak (PRS) patut nguingka baru runding diri sereta meri peluang ngagai Kaban Kunsil Nengeri (ADUN) Pelagus Larry Sng mulaika diri ngagai parti nya, sebedau pengawa bepilih besai menua ti deka datai tu ila.

Presiden PRS Dato Sri James Jemut Masing enda patut kelalu kering penemu lalu baka ti enda bebasaka Barisan Nasional (BN) senentang pekara tu.

Jemut patut ngira BN lalu ukai semina ngira diri empu aja, kebuah pia laban Larry tu siku ari pengari BN ti ditemu tau meri pemenang ba pengawa bepilih tu ila.
Ni enda pia, enti nyema Jemut bebasaka BN, iya patut meri peluang ngagai Larry Sng mulaika diri ngagai parti nya, lalu disabungka baru ngetan penuduk Pelagus maya bepilih nya ila.

Enti baka tu, nya baru Jemut tu orang ti bebasaka BN sereta deka meda parti nya terus mujur dalam politik.

Ari dipeda pemendar Larry Sng ti mega Penulung Menteri ba Opis Kepala Menteri bejalaika tanggung pengawa iya ngagai rayat ba Pelagus dia tusah pengari rayat tu deka alah.

Enti nyema iya diberi peluang ngarika BN ba sitak nya ba pengawa bepilh ti deka datai dia Larry tau nyadang diri menang pantai.

Lalu pia mega enti nyema Larry tu ngubah ati laban ti enda dipedulika BN maya nya lalu ngetanka penuduk iya nya nyadi pengari ngatika diri, dia tusah iya deka alah.

Tu tau gujungka PRS alah ba dua penuduk ba pengawa bepilih tu ila.

Kelimpah ari Pelagus, PRS mega tusah deka menang ba Ngemah ti dipegai Parti Cinta Malaysia (PCM) diatu.

Tu siti agi ari kebuah Jemut baka ti enda bebasa BN laban iya rindu agi meda BN alah ketegal pengering enggau pengeras ati diri.

Sebengkah agi pekara ti ngayanka Jemut enda bebasaka BN iya, kaban parti bukai semua ngutuk Jemut dalam ati laban ti enggai nerima Larry baru.

BN udah ngayanka diri rinduka Larry, laban enti enda pia penulung menteri tu udah lama dibuai ari penuduk iya nya.

Kebuah pia lapa Kepala Menteri enda muai Larry lebuh ti nusun baru ripih penunduk bala menteri tu tadi deh?

Jemut patut benda pesan ti dikenataika Pehin Sri Taib ba pekara tu.

6 comments:

  1. Nadai salah meh tu awak ka BN alah. PKR ulih nganti. Puas udah nat ka pemedis ati meda pengawa BN ti megai sarawak baka ti megai pesaka diri empu.

    ReplyDelete
  2. PKR nadai salah masuk menua sarawak ..
    Sapa - sapa pan nadai salah megai menua sarawak..
    Anang aja lebih kuah ari lauk..
    Bejaku pandai enda berasai melit..
    Ko jaku ka ngiga ka manah..nemu nya ila bulih ka jai agi.
    Sempama baka ka ngiga bini baru..enda gerenti bini mbaru nya manah agi ari bini lama..
    betul bala kita aya?

    ReplyDelete
  3. Kati nuan pengarang diau di menua Mukah?

    ReplyDelete
  4. Ayak nuan Masing amai amai Masing enda olih baik brunding.Laban ayak masing ke nyadi CM ya ngei ngasuh ayak Jabu nyadi CM enti Taib nurun CM.Maya PERMAS-PBDS krisis ayak masing tok meh anti melayu. Idup Yb

    ReplyDelete
  5. Aku Anak Kapit,
    Enda nemu sapa ti ngarang cerita tok. Cuma aku nasihat ke kitai ti sama bela dalam politik, anang tak ngerebah ke jako sebarang.
    Selalu ia, kitai ingat kitai nemu tapi maioh agi utai bukai ti diluar ari utai ti di temu kitai. Ukai aku madah penemu orang ti ngarang cerita to enda betul.
    Cuma aku minta orang tok mikir ke diri empu. Enti ia di tempat Masing pin ia tentu enggai nerima Larry pulai baru.
    Anang kitak enda ingat ke maya penyarut suba, seduai ia sama deka berebut ke pangkat tauka tuai dalam PRS. Tang Larry alah, laban enda di iktiraf ROS. Aku nadai nanah ke sapa-sapa. Enti kitai mikir orang ti udah deka ngelabuh ke kitai, nadai patut kitai ngambi ia baru. Tok sigi mainan politik, kadang-kadang mesti kejam, untuk diri empu. Enti sema Masing alah suba, Larry enggau raban ia pin tentu enda nerima Masing. Pikir kitak meh!

    ReplyDelete
  6. kenapa larry tidak pernah menggangkat diri sendiri dalam berpolitik....sebaliknya mengharapkan masyarakat pelagus menggangkat nya...? kenapa....tak salah jika saya katakan larry adalah layak di panggil pemimpin tulin...perjuangan berasaskan jasa kepada rakyat, dan jasa itu diterjemahkan oleh pengundi untuk menyokongnya..hakikatnya..larry tidak dicalonkan di pelagus...masyarakat dayak yang terkilan...dan kecewa...lebih rela memilih calon bebas dari memilih calon pkr...rakyat pelagus bukan tidak menyokong kerajaan...tetapi tidak suka menyokong calon yang tidak mewakili suara rakyat pelagus seperti unja...

    ReplyDelete