MUKAH: Berebak enggau pemerani peyukung ti mansutka penemu minta Barisan Nasional (BN) matakka Kaban Kunsil Nengeri (ADUN) Beting Maro, Datuk Bolhassan Di ari ti ngetan penuduk iya nya ba pengawa bepilih besai menua ti deka datai, dia BN patut ngerunding matak mayuh agi ADUN bukai ari ngetanka baru penuduk sida tu ila.
Pengari BN ari Parti Pesaka Bumiputera Bersatu Sarawak (PBB) ti enda patut agi diasuh ngetanka penuduk sida ba pengawa bepilih tu ila iya nya baka Speaker DUN, Dato Sri Mohd Asfia Awang Nassar.
Asfia ti mega ADUN Semop enda patut disabung ngetanka baru penuduk iya nya laban pengari rayat tu balat enda dikerinduka pengundi ba sitak nya ketegal ti enda meruan bejalaika tanggung pengawa iya.
Kelimpah ari nya, Asfia balat amat bendar ngeregauka pengelikun bala kaban dalam parti Komponen BN ba menua tu.
Asfia ukai semina ditemu ngeregau dataika mechah Parti Bansa Dayak Sarawak (PBDS) apin ti udah nujungka parti tu dikinsil Pengerejista Gerempung (ROS) suba, ketegal penyarut ti diapika iya.
Speaker tu mega ngulang penyalah nya, nyarutka Parti Rayat Sarawak (PRS) ti ditumbuhka kena nganti PBDS.
Ba penyarut tu Asfia ngapika laya entara Dato Sri James Jemut Masing enggau Larry Sng Wei Shien dataika Larry dibuai ari parti nya uedah bekau Jemut ti diputuska ROS Presiden PRS.
Enda tembuka enggau nya,apin lama ti udah Asfia nguji deka nyarutka Parti Progresif Demokratik Sarawak (SPDP).
Lima ari kaban ADUN parti tu mantaika pengeringat ngagai Presiden SPDP, Dato Sri William Mawan Ikom.
Tang taja pia Mawan chukup tegap ati lalu enda alah dikeruga sereta disabung enggau bala diri empu.
Kelimpah ari nya kebuah Asfia tau diketuka ia nya iya balat bendar udah ngamahka nama Kunsil Nengeri laban ti ngantung bala kaban parti penyakal ari aum, enggau nadai tentu kebuah.
Asfia ba tu udah ngasaka ati rayat ti meri sukung ngagai pengari sida kena pengarap ngambika pengari sida tu ulih mansutka penemu ba DUN.
Tang sinu bendar laban Asfia enda terundingka pekara tu,lalu mai ati diri ngena kuasa speaker iya nengah udang-undang DUN ngantung bala kaban DUN tu ari aum.
Nyadi ulih iay tu udah balat endar ngerugika menua.
Pengari bukai ti patut enda diasuk ngetanka penuduk sida agi iya nya baka, ADUN Nangka Datuk Awang Bemee Ali Basah, ADUN Belawai Datuk Haji Hamden bin Haji Ahmad, ADUN Saribas Dr. Haji Wahbi bin Haji Junaidi, ADUN Sadong Jaya Dato Haji Wan Abd. Wahab bin Wan Sanusi enggau ADUN Demak Laut Dr. Abg. Hj. Abd. Rauf bin Abg. Hj. Zen.
Orang bukai baka ADUN Katibas; Datuk Ambrose Blikau enggau ADUN Machan; Datuk Geramong Juna patut bendar mega diketuka.
Semua sida tu pengari ari PBB.
Nama penyalah sida iya tu? James Masing tau mega di ketu. datu Jabu enggau Taib mega semua patut di ketuka.
ReplyDeleteIban Kapit:
ReplyDeleteEndang maioh sidak tu tau di ketu ke tauka meri peluang ngagai orang bukai.
Jabu enggai iya nyurut ke diri dulu wai...enggai ke nadai bulih utai agi, ni ia ulih narit projek ari kawasan bukai enti ia diketu ke.
Tang, maioh kitai Iban enda nemu & sedar. Suba sebedau pilihan raya DUN. CM madah deka ngengkah ke calon ti biak. Tang udah nya di angkat ke Masir Kujat, William Nyalau....
Biak orang nya ke. Ukai nganuk tudah William Nyalau, tang enti kitai berunding, orang udah bakatok patut pulai ke rumah, nyaga ucu, makai angin...Pelaba aku kaban kitai William Nyalau tok angka udah nadai tentu runding bakani deka ngemaju ke rakyat. Tapi ia gak di pilih. Nama kebuah, ukai madah betul, tapi ni ku runding kitak, bagi aku CM milih orang baka tok laban ulih nyadi pak turut....
ok nya ajak.