MUKAH: Raban bansa Iban ba menua tu jauh amat tinggal dalam pemansang ti dibandingka enggau raban bansa bukai.
Bansa ti pemadu pemayuh tubuh ba Sarawak tu, ukai semina tinggal ba pelajar tang mega ba pengawa dagang enggau pekara bukai ti bekaul enggau jalai pengidup bansa asal di Sarawak tu.
Enda ibuh diengkahka pengangka kira-kira keta nyukung berita tu, tang semua Iban ti udah enchelak meda penanggul bansa diri laban ti enda dikibuh.
Tu ngayanka orang ti rauh-rauh madahka diri tuai ari raban bansa Iban enda ngemeranka pemansang bansa lalu bebulaka jaku diri ti madahka pengering bansa diri empu.
Sekeda tuai ari raban bansa Iban ti dikumbai ulih nulung ngangkatka bansa diri baka Tan sri Alfred Jabu enggau Datuk Douglas Uggah, tau dipadah enda mujur belajalaika tanggung pengawa diri.
Ni enda pia, bisi kedua bansa iban ti mujur dalam pemandai enggau pengawa dagang,tang sida tu bekelansat mai mua diri lalu ukai bepun ari pengawa Jabu enggau Uggah.
Jabu niki nyadi Sapit Presiden PBB enggau Sapit Kepala Menteri Sarawak ketegal Dayak ari kuota Pesaka dalam PBB.
Enti enda pia, nyangka agi udah engkunduk ba rumah panjai Jabu diatau, bekau ti pinchin ari mangku pengawa ba Opis Betanam Betupi sebedau iya ti masuk politik suba.
Pia mega Uggah, niki nyadi tuai ti tau amat dipebasa ari PBB nengah kuota Pesaka.
Tang nya meh seduai tu sama enda ingatka penatai diri, lalu kiruh agi ngemansangka bansa bukai enggau diri empu.
Bisi agi bala tuai baka ti tau dikarap baka Datuk William Mawan, Dr James Jemut tang tebak sida tu nyau deka sebaka.
Numbuhka parti ti dipadahka ngemerangka bansa ari menua pesisir, tang sedua tu bejalaika pengawa nitihka tunjuk orang bukai lalu nguing diri ari ngemansang bansa diri empu.
Kelimpah ari nya enti nyema kitai Iban manggaika nasib ngagai gerempung rama ti ditumbuh kena ngemeran bansa Dayak tauka Iban, dipelaba raban bansa asal tu jauh agi tinggal ari pemansang dibanding enggau bansa bukai.
Ambika banding Serakup Bansa Dayak Sarawak (SDNU), Serakup Dayak Iban Sarawak (SADIA), Serakup Indu Dayak Sarawak (SIDS) apin bisi ngereja pekara ti nyata kenan ngemansangka bansa Dayak tauka Iban.
Betukar ganti tuai ti ngiring SDNU kenyau ari ia ti di tumbuh 50 taun ti udah, tang sida tu semina deka ngambi ulih kena nguntung diri empu.
Bakan nya mega SADIA endang enda kala bisi atur tauka langgur penemu ti tau kena ngemansangka bansa Iban taja pan tuai ia beretan ngena Sidi Munan.
Enda salah enti nyema orang madahka Sidi tu nadai penemu taja pan ia bisi pemadai degree ari universiti.
SIDS semina engkeramba kena Dato Sri Empiang lingut-lingut bejalai kin kitu.
Kati enda pia deh, padahka berapa iku indu bansa Dayak udah mujur dalam sekula, ba pengawa dagang tauka pegari berita ketegal SIDS.
Siku aja udah ia nya Dato Sri Empiang ak Antak. Enti siku aja tau dikumbai mujur nya.
Nya alai Empiang anang enda ingat pemujur ia diatu ia nya ketegal ti beengkerambaka nama Dayak, enda nyalah-nyalah baka Jabu enggau Uggah.
Nya alai Empiang enti ia kala ngasaika diri tuai sereta pengering indu bansa Dayak tauka Iban ba menua tu, dia ia semina ngambu nama kena nguntung diri empu tang ukai kena nulung raban indu nya.
Kitai enda nemu nyangka sida tiga tu bisi kaul enggau pangan diri.
Dua agi gerempung ti ngemeranka pemansang dagang enggau pelajar bansa Dayak ia nya Balai Dagang Dayak Sarawak (DCCI) enggau Gerempung Graduate Dayak Sarawak (SDGA).
Dua iti gerempung tu apin tentu dipeda bulu, nyangka ia tau mujur tauka ‘ puntan baka menasan jalai babi’
Nya alai enggau penemu ti pandak tu, dia bala pemacha tau bulih simpul penemu kediri, lalu udah tu ila patut beruning enggau panjai sebedau niri negika siku-siku orang enggauka sida enda bejalaika tanggung pengawa ti patut.
Iban Kapit:
ReplyDeleteSerakup Bansa Dayak Sarawak (SDNU), Serakup Dayak Iban Sarawak (SADIA), Serakup Indu Dayak Sarawak (SIDS)- Peda kitak ajak nama persatuan tok. Nama mesti mai perkataan Dayak semua.
Kasih kitai Iban, madah diri kering, tang nadai apak-apak munyi ko orang. Alah laban jako orang titih ke ajak. Nama Persatuan Melanau, Persatuan Orang Ulu kini nadai mai perkataan Dayak, bisi pin bisi mega ia ke bukai nadai.
Semua kitai sama bela mikir meh!
If I am not mistaken Sidi Munan is not a degree holder, yes he did studied overseas and married a white woman but he came back without the certificate.
ReplyDeleteBtw, his wife Heidi has some contribution to the Dayak society in the field of literature, not that many but much more than that being contributed by most wives of the Dayak/Iban YBs.
BN & PAKATAN UKAI PARTI POLITIK KE BETUL2 DEKA NGEMASANG KE RAKYAT,SIDA SEMINA DEKA PENGUNTUNG KE DIRI EMPU.TUBUH KE PARTI BARU KE LEBIH AGRESIF SERTA DI ARI KE ORANG BEPROFESSION TINGGI.
ReplyDeleteOrang Btg Rajang:
ReplyDeleteThun Diwan,
Aku setuju enggau penemu nuan nya unggal,kami Iban sigi amat jauh tinggal dalam pengawa dagang, pelajar enggau tikas pengidup.
Kabuah pia kami Iban nadai bisi sida ketuai baik ari parti politik atau NGO ke ka niri negi ka bansa diri. Kami enggai nyadi nyalah Datuk Patinggi, Datuk Dauglas Unggah, Datuk William Mawan,Dato Sri James Masing,Datuk Empiang Jabu,Sidi Munan enggau bala ke bukai, laban kami Iban nadai "TUAI". Sapa tuai kami IBAN??????
Kediato nadai siko sida to bejako ke bejako ka bansa diri, bakani ke berunding mutal ka pendiau pengidup bansa IBAN.
Ukai semina sida to tang mega bala sida ke rauh-rauh bejako ari bala parti penyakal. Kemadah ka to salah, nya salah. Nama uati udah dikerja sida ke ngubah pendiau pengidup kami IBAN.
To me not unless we forget about our own grid, ego,political ideology,self interest,arrogant and many others....and unite for the sake of that we "IBAN" We unite under IBAN banner. Enti kitai ngasai ka diri Iban berunding kitai duduk semija berunding mutal ka penanggul IBAN.
Gempong semoa sida ari parti politik,NGO,Tuai-tuai Bansa Iban(Temenggong,Pemanca/Penghulu,CR enggau Tr.)bal professional(Engineer,Lawyer,Accountant and others)Ex. politicians, pensioners etcs. Enti sida to udah sepenemu nadai patut penanggul ke nuntung bansa Iban enda teputal.
Tang kabuah kitai ke balat tinggal laban nadai bansa Iban ka bejuang ka bansa Iban semina leboh maia bepilih aja ke madah ka diri ka bejako ka bansa diri...semoa bula...
Enti nitih ka penemu aku Datuk Amar L. Linggi seduai Dauk Amar Leo patut ngatur bansa seduai ia. Tang nama kabuah seduai to nadai ngator utai ka baka to. Seduai kaya raya ari Iban ukai ari seduai ia empu.. Ketegal ka ngena bansa Iban seduai to kaya. Udah seduai ia kaya raya seduai lalu enda nemu diri empu Iban....
Baka kacang enda ingat ka kulit.
Kena aku ngujung ka penemu aku arap ka kita bukai pan mansut ka penemu dalam ruang to ngambi ka kena bejurai.
Kitai mayoh macam pengelandik, nyadi pengandiknya ya ke bise ba kitai Iban Anang nyuruh orang bukai ngemesai ke ia. Bansa bukai numpang tenar ba pengerajin/pengelandik jari kitai iban. Suatu kami ba Kalimantan barat kecamatan Batang lupar lanjak bisa ngaga gerwmpung indo ba pengelandik betenun, kami ngerembai ke agek ngena warna atau curak warna alam. Kami udah mempromosi tenun puak kumbu datai ba Amerika (pision show). Rencana karena promosi age Serawak. Ngarap ke kitai ulih kerja sama. WA aku : 085752906900
ReplyDeleteTerimakasih