Thursday, September 9, 2010

Iban patut nyukung Norah jadi Kepala Menteri


Ulih: Thun Diwan

MUKAH: Raban bansa Iban patut merisukung ti enda belampung ati enda nyema Kaban Parlimen Tanjung Manis Datuk Norah Tun Rahman dipaduka nganti Pehin Sri Taib jadi Kepala Menteri Menteri Sarawak.

Kebuah pia laban kitai nadai orang bukai agi ti tau disukung kelimpah ari orang ti dipaduka ngiring perintah Barisan Nasional (BN) menua tu.

Nambah mega Datuk Norah taja pan iya baru dalam pengawa politik, tang iya siku ari anak bekau Kepala Menteri sereta bekau Tuai Mega Menua ti dulu suba.


Ari nya iya endang udah bisi penemu sereta pengelandik ngiring sereta niri negika menua bechuanka apai iya Tun Rahman Ya'kub enggau petunggal iya Pehin Sri Abdul Taib Mahmud.

Apai Norah Tun Rahman enggau petunggal iya Pehin Sri Taib udah dipeda mujur ngiring menua tu nuju pemansang, nyalai Datuk Norah meh orang ti dipeda patut bendar nampung tanggung pengawa ngemansangka rayat enggau menua tu udah Pehin Sri Taib nyurutka diri lepas tu ila.

Kelimpah ari nya raban bansa Iban mega patut meri sukung ti enda bebagi ngagai Menteri Rampa Menua enggau Pengeraja Asal,Dato Sri Douglas Uggah Embas enti nyema iya dipaduka nya Sapit Kepala Menteri nganti Tan Sri Jabu.

Kaban Parlimen Betong tu endang siku ari tuai Iban diatu ti endang pemadu patut mangku penuduk nya.

Tu ukai semina Dato Sri Uggah bisi peneleba sereta pengelandik gawa ngemansangka rayat enggau menua, tang iya mega ngembuan pengeliat ati napi pengawa diri kenanulung mensia mayuh enggau menua.

Iya udah dipeda kitai mujur lebuh ti mangku pengawa jadi Sekiteri Politik Kepala Menteri, Sekitari Parlimen, Sapit Menteri Pengangkut sereta penuduk menteri ti dipangku iya diatu.

Enti nyema perintah besai chukup pechayaka Dato Sri Uggah, lalu enda patut raban bansa Iban ngembuan ati ti belampung nyukung iya.

Tusun pengawa tu disebutka bala tuai Parti Pesaka Bumiputera Bersatu Sarawak (PBB) ba aum komiti besai parti tu apin lama ti udah.

Tan Sri Jabu enda dilanggurka nganti Pehin Sri Taib nyadi Kepala Menteri laban iya empu ti nulak mangku pengawa nya.

Ari nya dia Tan Sri Jabu dipinta nyurutka diri berebak enggau Pehin Sri Taib ngambika pengawa madu Datuk Norah enggau DatoSri Uggah ulih dipejalaika serentak sereta lancharlebuh maya nya ila.

Datuk Norah siku ari Kaban Komiti Raban Indu PBB lalu Dato Sri Uggah diatu mangku pengawa jadi Penulung Presiden Kanan PBB.

Dia ba tusun baru rintai tuai menua deka ngayanka mayuh ubah laban Pehin Sri Taib apin lama ti udah mega madahka mayuh pengari kediatu enda disabung agi ba pengawa bepilih ti deka datai tu ila.

Taja pia Iban patut nitihka semua ubah penemu tu awakka raban bansa tu tau mansang baka bansa bukai jemah ila.

Siku agi Sapit Kepala Menteri iya nya Tan Sri Dr George Chan mega dipelabaka deka nyurutka diri berambau Pehin Sri Taib enggau Tan Sri Jabu.

Tan Sri Dr George Chan ia nya Presiden SUPP.

Enggau tu dia Presiden PRS enggau SPDP Dato Sri Dr James Jemut Masing enggau DatoSri William Mawan Ikom patut ngirika pemereti ati ngagai nembiak redak seduai iya ngambika nyukung pemutus penemu PBB tu.

PBB, SUPP, PRS sereta SPDP ia nya kaban komponen parti dalam BN.

4 comments:

  1. Norah tu dipadu ka nyaga pengeraja Taib ti samapi bebillion ringgit. Nyukung Norah nyukung Taib nan ka pengaraja ti ulih iya ngerampas ari kitai sarawak. Kampong, tanah kitai dayak di ambi iya. Patut ka kitai nyukung iya . Rindu ka kitai di gaga baka nya.
    Nama kabuah dayak iban miskin, kurang pelajar lalu nadai mansang. Tu meh laban policy Yaacob enggau Taib. Taun 2020 iban agi maioh miskin.
    Uggah tau di sukung laban iya landik kerja serta berani bejako nan ka dayak.

    ReplyDelete
  2. Nama kebuah kitai Iban diasuh nyukung bansa bukai nyadi Kepala menteri. Nama kitai bansa nadai pengelandik nyadi kepala menteri. Enti kita kak kitak aja nyukong Norahnya nyadi Kepala menteri, tang kami ke bansa Iban bukai enggai nitih ka penemu kita...

    ReplyDelete
  3. norah anak tun rahman ke balat mengizlam ke raban dayak enggau nipu raban dayak suba

    urang baka tu ke patut di sukung nyadi pm? ipar pm?

    udah kitai ulun ba negara sarawak selama tu, diatu kitai makin ngasuh bansa diri empu nyadi ulun

    manah author anang nyadi dayak. tukar nyadi laut

    ReplyDelete
  4. ,,..twk sbenar ya BLOG propaganda,..adakah patut kitai Iban asuh nyukung Norah nya nyadi KM???,...tuai BLOG tu ukai Iban plaba ku,..@ pun Iban Mix,...nti Iban Kelia ulih dipujuk stail bakatu,..tp diatu Zaman brubah Beb,..Nama kitai Iban mpu nda ulih nyadi KM pia??Norah nya ajak pandai nyadi KM pia??Iban bukai nda nemu??..nda kah kitai rangap2 meda bansa bukai ngemeli ke kitai ngelamatu???...dah nya ngasuh bansa kitai nyukung cda ya nyadi KM megai kitai baru,...nda kah BODO,...ukai kitai tu bangat nda nemu brunding,.......?

    ReplyDelete