Saturday, September 25, 2010

Seliah anak nganti apai di Layar

Ulih: Thun Diwan

MUKAH: Tan Sri Jabu dipelabaka deka nyerahka kerusi Kunsil Nengeri Layar ngagai anak lelaki iya lebuh maya iya nyurutka diri udah tu ila.

Mensia mayuh bisi didinga bekenangka pekara tu, taja pan nadai siku sida tu mansutka penemu ti nyemetak.

Sida tu semina didinga nyebutka pematut enggau pengenda Tan Si Jabu nyuaka penuduk iya nya ngagai anak iya empu, ari ngelakka ngagai Parti Pesaka Bumiputera Bersatu Sarawak (PBB) ngaga pemutus.

Gerald Rentap Jabu enti dipeda ari pendiau dia iya tu enda nyalah baka apai iya empu, ba ku jaku sema "Burik apai burik meha anak"


Nyadi enti jaku sema tu amat, dia dipelabaka orang ba sitak Layar deka lalu lanjur .

Nama kebuah pia laban sida udah dipegai Tan Sri Jabu.

Jabu ti nyadi Sapit Kepala Menteri diatu dipelabaka deka ngelengka pengawa iya nyerumba

Kepala Menteri Pehin Sri Taib Mahmud tu ila.

Enggau tu mensia mayuh ba sitak Layar patut berunding ati diri sekalika deka ngarapka Rentap ngiring menua nya nyambung pengawa apai iya.

Lalu enti nyema mensia mayuh enda nentu arapka orang tu laban dipelabaka sam empa enggau apai iya, dia sida tau mantaika penemu bukai tauka meri pemutus ti ngelaban penemu nya ba pengawa bepilih ti deka datai.

Naka ke ditemu diatu dia semua peturun Tan Sri Jabu enggau bini iya Dato Sri Empiang nyangka enda tentu ulih dikarap.

Nya alai PBB ba menua tu patut mantaikan nama orang bukai kelimpah ari Rentap kena nganti Tan Sri Jabu.

Rentap diatu mangku pengawa nyadi Sekitari Raban Nembiak PBB.

Sitak Layar diwan tebal agi bansa Iban ti dibandingka enggau Melayu, China sereta bansa bukai.

Kelimpah ari Rentap nama kebuah orang ba menua tu terundingka anak Menteri Rampa Menua enggau Pengeraja Asal, Dato Sri Douglas Uggah Embas.

Uggah mega ti diberitaka deka nganti Tan Sri Jabu nyadi Sapit Kepala Menteri bisi anak lelaki ti tau amat dikarap.

2 comments:

  1. Bisi ka orang macha blog tu?

    ReplyDelete
  2. amat nya. anak jabu sigi enda tau berdiri laban apai iya udah cukup nusah la org iban di menua sarawak tok. ila nyadi pak turut ngagai org aja lalu enda ngereja pengawa maju ka bangsa dayak.

    ReplyDelete