Monday, October 25, 2010

Tuai Iban bisu meda kes bot ekspres karam


Ulih: Thun Diwan

MUKAH: Kini tunga tuai enggau gerempung pengintu pengelantang pendiau raban bansa Iban lebuh maya kes bot ekspress karam ba Batang Anap, Tatau ti naban 13 nyawa apin lama ti udah?

Kini tunga YB John Sikie Tayai, Dato Sri James Jemut Masing, Dato Sri William Mawan Ikom, Dato Sri Douglas Uggah Embas enggau Tan Sri Jabu Numpang lebuh maya mensia mayuh kiruh ketegal Iban ditinggang penusah.

Kini tunga gerempung pengintu pengelantang raban bansa Iban baka SADIA enggau SDNU?

Tak enda engkeretik tuai ti ngaku diri ngarika bansan Iban lalu baka ti enda ninga penusah bebadi tu.



SDNU enggau SADIA nyangka tau enda ibuh dipejaikan ba pekara tu laban gerempung tu endang udah lama enda begunaka raban bansa Iban.

Mensia mayuh semua sinu lebuh ti ngenang penusah bebadi nabanka nyawa raban bansa Iban tu tadi.

Tang enda mukai mukai, bala tuai enggau gerempung pengintu pengelantang raban bansa Iban tu mimit nadai meh penyinu meda penusuah tu.

Kati enda pia deh? Laban Sikie ti nyadi menteri muda ti mega YB ba endur tu endang nadai mansut seleka jaku deka nulung ruang sebilik ti bebadi ba penusah tu.

Uggah, Masing, Mawan enggau Jabu enda ibuh jenguk kin kada bisi.


Enti nyema sida bisi penyinu nama kebuah PRYATIM dulu mansutka jaku deka ngintu siku anak mit ti nyadi anak patu balu bekau penusah tu deh.

Penusah siku anak mit tu pan enda ulih diputarka tuai raban bansa nya, anangka jaga beratus ribu Iban ba menua tu.

Enti tu gaya penemu enggau runding tuai Iban ti bisi diatu, dia dipelabaka orang gila tau meh nyadi tuai, nganti gaji ujung bulan aja.

Diatu udah nyata tuai ari raban bansa Iban diatu enda tentu deka pedulika bansa diri.

Dipelabaka anag tentu kiruh bepikir mayuh lebuh maya ti deka datai, enti bisi awak tau buai magang sida tu ngichaka orang ti nganti sida ila tau ibuhka bansa diri.

No comments:

Post a Comment