Sunday, October 3, 2010

Tanka Taib, yar orang luar ti ngasuh iya ngetu


Ulih: Thun Diwan

MUKAH: Raban bansa Iban patut begempung lalu ngayankan sukung ti enda belampung ati ngagai Pehin Sri Taib nampung pengawa iya ngiring menua tu nuju pemansang ba timpuh ti deka datai.

Kelimpah ari nya bansa Iban mega endau tau enda meri sukung ti penuh ngambika Pehin Sri Taib maya ngulu pengawwa bepilih ti deka datai lali mai pemenang ti besai ngagai Barisan Nasional (BN) ba pengawa bepilih nya ila.

Kebuah pia laban kitai Iban mandangka diri mengkang deka meda Phin Sri Taib megai menua tu nyadi Kepala Menteri.

Nengah pementas ti baka tu dia raban bansa Iban deka dipeda orang mayuh endang agi angkunka perintah ti dipegai Pehin Sri Taib.
Pementas ati ti baka tu mega kena ngayangka menua Sarawak endang agi rinduka Pehin Sri Taib lalu enda setuju enggau penemu orang luar ti minta iya nyurut diri.

Enti nyema pementas ati ngagai Pehin Sri Taib tu ila diayanka mensia mayuh ba pengawa bepilih ti deka datai dia orang luar nya deka bebasaka rakyat menua tu, ketegal ngembuan penegap runding sereta taluk ngagai Kepala Menteri nya enggau BN menua tu.

Sukung tu ukai semina patut datai ari kaban parti komponen BN baka Parti Pesaka Bumiputera Bersatu Sarawak, Parti Rakyat Bersatu Sarawak, Parti Progresif Demokratik Sarawak enggau Parti Rakyat Sarawak aja, tang iya mega patut diayan orang mensia mayuh ti bukai.

Penemu orang luar ti ngasuh Pehin Sri Taib ngetu jadi Kepala Menteri enda runding ti enda manah lalu rindu deka meda menua tu dituntung penyarut politik.

Nya alai kena nyeliahka penusah ti tau mai pengerusak ketegal dikeregau raban penyakal dia mensia mayuh ba menua tu enda tau enda saati ngetanka BN menua ti betuaika Taib ba pengawa bepilih tu ila.

Sida ti nepan perau parti penyakal baka Parti Tindakan Demokratik (DAP), Parti Keadilan Rakyat (PKR) enggai Parti Islam SeMalaysia (PAS) tau ngetu dulu lalu sangkai ninggalka diri sereta meri saup ngagai Pehin Sri Tain ngeringka BN maya pengawa bepilih tu ila.

Enti nyema sida ninggalka perau penyakalnya dulu, nya baru bansa Iban dipeda tegap runding runding lalu enda ulih pechah penemu ti enda manah.

Taja pan sitak ti diwan mayuh agi pengundi Iban udah mujur mandangka penegap sukung ngagai BN maya pengawa bepilih menua 2006, tang sukung agi ulih sungkak tinggi ka agi.

Penyungkak sukung nya ulih diayanka mensia mayuh ngena penyampau majoriti undi ti diulih pengari BN maya nya ila.

Apin lama ti udah mayuh leak jaku ditaburka orang luar ti ngansak Pehin Sri Taib ngelekaka penuduk Kepala Menteri lalu meri awak ngagai tuai bukai nganti iya.

Enti nyema menua tu nundukka jaku orang luar nya dia mensia mayuh ditu deka diketawaka orang nya.

Ari nya raban bansan Iban ti ditemu pemadu mayuh tubuh ba menua tu meseti deka ngetanka Pehin Sri Taib lalu meri pemenang ti besai ngagai BN ba pengawa bepilih tu ila.

Enggau nya dia raban bansa Iban ulih nyeliahka raban bansa ba menua tu ari ti diketawa orang luar.

4 comments:

  1. pementas ngagai taib???? kami rebak iban baru nadai ka sukong taib nya!. iya nya pemadu jai mechah belah org iban d menoa sarawak tok. start parti snap sampai PBDS nadai utai ulih ngetan ka org iban di menua sarawak tok. nyamai agi munoh diri ari ngundi org jai baka nya. udah rasuah lalu enggai meda bangsa iban maju.

    ReplyDelete
  2. agik nuan sukong taib,jabu ngagai gorge chan.manah nuan laban medak ditipu,tanah nuan udah abis nuan agik manah idup nadai berubah.akai, agi nua idup taib agik ngelaban taib.udah nuan bodoh,mun aku enggai sukong taib bekenyak.apai saloi

    ReplyDelete
  3. peda aja lah head of department di sarawak semua bangsa laut/melanau enggau bangsa sida ari malaya. nama org iban nadai pandai enda ulih nyadi ketuai d ofis perintah. tang sangka aku enti menua kitai beperang baru baka taun 45an nya baru sida iya ngasoh kitai iban nyadi saldadu front line/trekker lah.Nadai bala laut berani legi.

    ReplyDelete
  4. Aku nyukong penemu nuan nya Thun Diwan, ari ke dipeda orang menoa luar kitai bepecah kitai lemek. Nyadi enggau pengelemek kitai senang orang bukai makai kitai. Kitai Iban ukai dipecah ka Taib tang kitai Iban empu ke mecah ka diri empu. Uji kitai meda dalam politik?? Dini parti politik nadai kitai Iban? Tumbuh ka NGO baka SADIA/SDNU kena kitai bansa bepolitik ga nya...baka ni ka maju???? Enti kitai Iban ka maju baka bansa orang. Kitai mesti berunding ka bakani ka kitai tau maju...
    Keno ka penemu aku kitai Iban pan oleh meh maju baka bansa orang enti kitai anang mai penemu politik, lalu madah ka diri empu IBAN. Lalu beserakup kitai ngena nama IBAN. Anang bepolitik...luap ke penemu politik ke enda sebaka... Duduk berunding enggau pangan diri..berunding ka jalai kena ngubah pendiau pengidup bansa IBAN. Anang guai bejako ka bansa bukai enti bansa kitai empu pan bedau maju. Enda iboh kitai bejako ka bansa Dayak bukai..bejako ka bansa IBAN dulu kitai...
    Udah kitai semoa besepenemu nya baru kitai bejurai ka utai bukai baka...IBAN Ekonomi, IBAN Education....Iban Politik...nya baru kitai tau mansang.
    Aku arap ka kita bukai semoa tau mansut ka penemu ke manah ke mutal ka penanggul pendiau pengidup kitai IBAN.

    ReplyDelete